Motor gidari bat hil da Leintz-Gatzagan, eta auto baten gidaria atxilotu dute

LEINTZ-GATZAGA. 36 urteko motor gidari bat hil zen atzo goizean Leintz-Gatzagan (Gipuzkoa) izandako istripu batean: auto bat jo zuen. Ertzaintzak zehaztu duenez, istripua gertatu zen inguruko aparkaleku batean atzeman zuten autoaren gidaria. Alkoholemia eta droga probak egin zizkioten, eta positibo eman zuen bietan: atxilotu egin zuten, bide segurtasunaren aurkako delitu bat egotzita.