Eugene Txulkov fisikariari eman dio Jaurlaritzak Euskadi Ikerkuntza saria

BILBO. EHUko Materiaren Fisika saileko katedradun eta DIPC Donostia International Physics Center-eko ikerlari Eugene Txulkov fisikariak (Ryazan eskualdea, Errusia, 1950) jasoko du aurten Euskadi Ikerkuntza saria. Hala erabaki zuen atzo Hezkuntza Sailak izendatutako epaimahaiak, Bilbon eginiko bileran. Adierazi dutenez, Txulkov irakasleak «ekarpen esanguratsuak egin ditu materia kondentsatuaren fisikaren eremuan, bereziki solidoen eta gainazalen fisikan».