Hezkuntzako langile guztiek apurka euskaraz egitea jarri du xede Bildarratzek

GASTEIZ. Hezkuntzaren arloko langile kolektibo guztien «hizkuntza trebakuntza sustatzen jarraitzeko» asmoa berretsi zuen atzo Jokin Bildarratz Eusko Jaurlaritzako Hezkuntza sailburuak, legebiltzarreko kontrol saioan, PP-C's-en galdera bati erantzunez. Euskararen Legea aipatuta, gogora ekarri zuen euskarak lan hizkuntza ere izan behar duela, eta, horregatik, irakasleak ez diren langileek ere «apurka eta progresiboki» euskaraz egitea nahi duela. Azken hiru urteetan, 90 beharginek hartu dituzte euskara ikasteko baimenak.