Aste Nagusiak baditu pregoilaria eta txupinera

Itziar Lazkano eta Iratxe Palacios, atzo, Bilboko udaletxean. M. RAMIREZ/ FOKU.
2022ko abuztuaren 5a
00:00
Entzun
BILBO. Bilboko Aste Nagusian pregoilari eta txupinera lanetan ibiliko diren bi emakumeak aurkeztu zituzten atzo Bilboko Udaletxean. Itziar Lazkano Setien aktorea izango da pregoilaria. Haren hitzek emango diote hasiera Aste Nagusiari abuztuaren 20an, 19:00 aldera. Aste Nagusia hiriarekin batera hazi dela nabarmendu du Portugaleteko (Bizkaia) aktoreak: «Niretzat ohore bat da pregoilari izatea». Txupineraren lanaren arduraduna, bestalde, Iratxe Palacios Gana izango da, Deustuko Tintigorri konpartsako kidea. «Euskaldunberria naiz, eta gustatuko litzaidake jaiak euskaraz eta gazteleraz izatea», adierazi du. Biek errespetuz beteriko jai batzuen alde egin dute, eta edozein motatako erasoak arbuiatu dituzte. Palaciosek, gainera, herritarrak gonbidatu ditu Aste Nagusira joatera, eta adierazi du Bilboko konpartsetan erasoen aurka egiteko prest daudela.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.