Isaias Carrasco omendu du PSEk Arrasaten

ARRASATE. Duela hamalau urte ETAk hil zuen Isaias Carrasco PSEko kide eta zinegotzi ohia omendu zuen atzo PSEk Arrasaten (Gipuzkoa). Denis Itxaso Espainiako Gobernuko ordezkariak ere parte hartu zuen ekitaldian. Eneko Andueza PSEko idazkariak ezker abertzalearen kontra jo zuen, «batzuek Euskadin gertatutakoaren orrialdea oso laster itzuli nahi» dutela adierazita. Horri buruz sozialistak «zorrotzak» izango direla ohartarazi zuen. «Euskal sozialistak beti egongo gara egon behar den tokian: memoriarekin, bizikidetzarekin eta Euskadirentzat etorkizun justuagoa eraikitzeko lanean», adierazi zuen Anduezak.