Lurpetik atera dute 1937an Bilboren defentsan parte hartu zuen gudari bat

BILBO. 1937an Gamiz-Fikan (Bizkaia) kokatutako defentsa lerroko gudari baten gorpua berreskuratu zuen atzo Aranzadi Zientzia Elkarteak. Herriko biztanle batek eman zuen hobiratzearen arrastoa, duela bi urte: jakinarazi zuen lurperatutako gorpu bat egon zitekeela Elortatxu auzotik gertu. Paco Etxeberria izan da lanen buru, eta Eusko Jaurlaritzako zenbait ordezkari izan dira hobitik ateratzeko ekitaldian. 2003tik, Aranzadik 44 indusketa egin ditu gorpuak hobitik ateratzeko, Jaurlaritzaren laguntzarekin. Orotara 106 gorpu atera dituzte lanotan.