Azken sailkatuari egingo dio bisita gaur Baskoniak Euroligan, Zalgirisi

SASKIBALOIA. Bitci Baskonia ezinean ari da denboraldi honetan Euroligan. Jokatutako hamabi partidetatik lau baino ez ditu irabazi, eta zortzi galdu. Sailkapenaren behealdean dago, horrenbestez. Gaur, joera hori aldatzen hasteko aukera paregabea du, azken sailkatuaren pabiloian jokatuko baitu, Zalgiris Kaunasenean (19:00). Baina arabarrak ez dira fio. Izan ere, Zalgirisek irabazi egin ditu jokatutako azken bi neurketak. Surne Bilbo Basketek Stefan Peno joko antolatzailea fitxatu du, Rafa Luz min hartuta baitago. 24 urte ditu, eta 2016-2017 denboraldian Bartzelonan jokatu zuen.