LONDRES. Erresuma Batuko Gobernuak ez du erretiratuko barne merkatuari buruzko bere lege berria, zeinak auzitan jartzen dituen Europako Batasunarekin Ipar Irlandari buruz sinatutako akordioaren hainbat puntu. Boris Johnsonen gobernuko Kabineteko ministroak, Michael Govek, ordu gutxiren buruan eman zion ezezko erantzuna Europako Batzordeko presidenteorde Maros Sefcovicek aurrez aurre bilera batean aurkeztutako ultimatumari.
Batasunaren ordezkariak hilabeteko epea eman zion Londresko gobernuari legea erretiratzeko; bestela auzibidera joko dutela iragarridu Sefcovicek.
Horiek horrela, Erresuma Batuaren eta EBren arteko etorkizuneko harremana adosteko negoziazioak haustear daude. Gaur da amaitzekoa zortzigarren negoziazio itzulia.
Erresuma Batuak ezezkoa eman dio EBren eskaerari
Iruzkinak
Ez dago iruzkinik
Ordenatu
