Pentsiodunek mobilizazioekin jarraituko dute

Pentsiodunak, atzo.
Pentsiodunak, atzo. ARITZ LOIOLA / ARP

Berria

2018ko otsailak 14
BILBO. Pentsioen erosahalmena berreskuratzeko mobilizatzen jarraitzeko deia egin dute pentsiodunek, Manifestazioa antolatuko dute otsailaren 22rako Bilbon, Donostian, Gasteizen eta Iruñean. Deitzaileak lau elkarte dira: Bizkaiko eta Nafarroako Pentsionistak Martxan, Gipuzkoako Duintasuna Elkartea eta Arabako Pentsionistak Lanean plataforma.

Lau plataformen ordezkariek atzo Bilbon egindako agerraldian salatu zuten 680.000 pentsiodun daudela Hego Euskal Herrian, eta horietako askok pobrezia mugaren azpiko pentsioak jasotzen dituztela.

Espainiako Gobernuak ezarritako murrizketen ondorioz, «haserrea» nabari dela adierazi zuten. Salatu zuten pentsioak erosahalmena galtzen ari direla, eta Espainiako Gobernuak iragarritako %0,25eko igoeraren aurka agertu ziren. Salatu zuten, halaber, erreformen ondorioz, bestak beste, erretiroa lortzeko lan urteak luzatu direla, alarguntza pentsioak jaitsi direla, eta medikamentuen berrordainketa ezarri dietela. Aldarrikatu zuten pentsioak KPIaren maila berean igotzea, eta Europako Karta Sozialak aholkatutako 1.080 euroko gutxieneko pentsioa ezartzea. Gizarte Segurtasun Sistema propioa ere eskatu zuten: hurbilekoa eta parte hartzailea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna