Albistea entzun

Langile bat hil da beharrean Trapagaranen, kolpe bat jasota

Urtea hasi zenetik, 43 pertsona hil dira lanean ari ziren bitartean; iaz, 54 izan ziren, LABek adierazi duenez

Berria -

2018ko irailak 8

TRAPAGARAN. Aurtengo uda beltza izaten ari da lan istripuei dagokienez. Oraindik ez da amaitu, eta beste hildako bat gehitu behar zaio zerrenda ilun horri; atzo goizean beste langile bat hil zen, Trapagarango (Bizkaia) Salcedillo industrialdeko Cable Recycling Industries enpresan. Ertzaintzak azaldu zuenez, beharginak kolpe handi bat jaso zuen makina batekin, eta bertan hil zen. 37 urte zituen beharginak, eta Barakaldokoa zen.

LABek emandako datuen arabera, abuztuan 13 pertsona hil dira lanean. Urte hasieratik abuztura arte, eta abuztuaren ondoren hildakoak gehituz gero, 43 lagun zendu dira istripuz aurten. Iturri berberaren arabera, 2017an hildakoak 54 izan ziren. ELAk ohar bidez salatu zuen jarduera ekonomikoa hazten ari den heinean lan istripuen kopurua handitzen ari dela, eta adierazi zuen enplegu gehiago egon arren sortzen diren lanpostuak kalitate kaskarrekoak direla. «Jaurlaritzak, hala ere, prekaritatea sortzen duten enpresariekin aliantza bat dauka».

LABek pauso gehiago eskatu zizkien erakundeei: «Legeak aldatu behar dira gertatzen ari denaren arduradunek ordain dezaten; hau guztia ez da kasualitatearen emaitza, egiturazkoa baizik, eta, horrela izanik, arduradunen bila joango gara». Astelehenean, kontzentrazioa egingo dute ELA, LAB, ESK eta Barakaldoko kolektiboek, Barakaldoko Bide Onera plazan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Amiantoaren biktimen elkarte baten protesta, atzo, Espainiako Kongresuaren aurrean, Madrilen. ©JUAN CARLOS HIDALGO / EFE

Amiantoaren biktimentzako funtsa eratzea onartu du Kongresuak

Xabier Martin

Eusko Legebiltzarraren eskaera azaldu dute hiru legebiltzarkidek, eta Madrilgo ganberak ontzat jo du lege egitasmoa tramitatzea, Voxen abstentzioarekin. Funtsa nola elikatu, hor egongo da lokarria
Aernnovako langileen elkarretaratzea epaitegiaren aurrean. Tubacexekoak eta ITP Castingekoak ere han ziren. ©M.D. V / FOKU

Aernnovako langileek kaleratzeak indargabetzeko itxaropena dute

Imanol Magro Eizmendi

Abokatuak «neurri batean baikor» irten dira epaiketatik. Krisia egiturazkoa dela berretsi du enpresak
Pedro Sanchez Espainiako Gobernuko presidentea, gaur, Madrilen. ©Emilio Naranjo / Efe

EBren funtsei esker «modernizazio aro berri bat» hasiko dela agindu du Sanchezek

Iker Aranburu

Lehen bi urteetan ibilgailu elektrikorako azpiegiturak sortzea izango da Madrilen lehentasuna

Idoia Mendia Lan sailburua astearte honetan egindako agerraldian ©Irekia

Jaurlaritzak eskubide subjektibo gisa aitortuko ditu enplegu politika aktiboak

Jokin Sagarzazu

Langileen formakuntzan oinarrituko du 2030erako enplegu estrategia. Kezka agertu du egungo lan merkatuaren «egiturazko gabeziekin».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.