UPN PPrekin batera aurkeztuko da foru eta udal bozetara

EAJk erabaki du Espainiakoetan Geroa Bairen formula errepikatzea, baina ez du argitu izen horrekin izango den

Berria -

2019ko martxoak 3
IRUÑEA. UPNren Kontseilu Politikoak erabaki du berriz ere PPrekin aliantza egitea. Batera aurkeztuko dira Espainiako Gorteetarako hauteskundeetara, eta baita Nafarroako Parlamentuko eta udaletako bozetara ere. Javier Esparza UPNren presidenteak azaldu duenez, «testuinguru konplexu bati» aurre egiteko batu dira: «Katalan eta euskal nazionalistei aurre egiteko». UPNko militanteen %72k eman dute aldeko botoa, eta %23k aurkakoa. UPNko buruzagiak esan du akordio horrekin PPrekin «elkarlan instituzional eta egonkorra berreskuratu» nahi dutela. 2008an, PPk hautsi egin zuen harremana, UPNk Jose Luis Rodriguez Zapateroren (PSOE) gobernuaren aurrekontuak babestu zituelako.

EAJren Aberri Batzarrak, bestalde, onartu du Espainiako bozetara Atarrabia Taldearekin eta independenteekin batera aurkeztea. Ez dute argitu hauteskunde horietan Geroa Bai izena ala beste bat erabiliko duten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna