Zortzi hilabeteko espetxe zigorra ezarri diote gizon bati andre bat jotzeagatik

BAIONA. Herenegun, Baionako Auzitegiak zortzi hilabeteko espetxe zigorrera kondenatu zuen 41 urteko gizon bat, haren bikotekide ohia jotzeagatik. Maiatzaren 10ean gertatu zen erasoa, Hazparneko hotel batean (Lapurdi). Gizona jadanik epaitua zuten indarkeria matxistagatik, eta andrearengana hurbiltzeko debekua ezarri zioten. Alta, debekua urratu zuen gizonak, eta ukabilkada bat eman zion andreari aurpegian. Baionako Auzitegiko epaileak jakinarazi duenez, beste delitu batzuengatik ere epaitua izan zen gizona: guztira, 24rengatik.