Alderdi barruko kide gehiagok dimititzeko eskatu diote Mayri

LONDRES. Theresa May Erresuma Batuko lehen ministroak Komunen Ganberan agerraldia egin zuen atzo, brexit-a gauzatzeko egin nahi duen bide orria azaltzeko. Bihar Irteera Akordioaren lege proiektua aurkeztekoa da, eta ekainaren 7an egin nahi du bozketa. Herenegun esan ondoren beste erreferendum bat egiteko aukera bozkagai jarriko duela, atzo alderdikide gehiagok Mayren dimisioa eskatu zuten. Andrea Leadsom gobernuaren eta parlamentuaren arteko harremanaren ardura duen ministroak dimisioa eman zuen, gainera.