Koronabirusa
EHUk espedientea ireki dio irakasle bati, gelan maskararik gabe egoten zelakoan
GASTEIZ. Euskal Herriko Unibertsitateak espedientea ireki dio Farmazia Fakultateko irakasle bati, ikasturte hasieratik eskolak maskararik gabe eman dituelakoan. EHUk jakinarazi du irakasleak positibo eman duela PCR proban, eta gertaeraren berri izan bezain laster abian jarri dutela protokoloa, Osakidetzari gertatutakoaren berri emanda. Gainera, ohar batean azaldu dutenez, isilpeko informazio espedientea ireki dute, kasuaren «xehetasun guztiak» jakiteko eta, erantzukizunik badago, eskatzeko. Espedientea hamabost egunean ebatziko dute.
Iruzkinak
Ez dago iruzkinik
Ordenatu