Nafarroako Ahal Dugu-ko kritikoek 'Orain Bai' izena erregistratu dute
IRUÑEA. Nafarroako Ahal Dugu-ko sektore kritikoko kideek talde parlamentarioaren izen aldaketa erregistratu dute. Laura Perezek, Carlos Cousok, Ruben Velascok eta Fanny Carrillok zehaztu dute eurek osatutako taldeak aldaketa egiteko beharrezkoak diren baldintzak betetzen dituela; besteak beste, taldearen barruan gehiengoa izatea eta taldeko bozeramailearen sinadura —Couso da bozeramailea—. Sektore ofizialeko Ainhoa Aznarezek, Mikel Builek eta Teresa Saezek, aldiz, adierazi dute aldaketa egin ahal izateko talde guztiaren oniritzia behar dela. Hori dela eta, txosten juridiko bat eskatuko dutela adierazi dute.
Iruzkinak
Ez dago iruzkinik
Ordenatu