Gipuzkoako zahar etxeetako greba, 28an

Berria -

2018ko irailak 13
DONOSTIA. ELA sindikatuak udaberrian iragarri zuen Gipuzkoako zahar etxeetan grebak hasteko asmoa. Egutegi baten berri ere eman zuen, eta orain formalki egin du deialdia; hainbat greba egingo dira urtea bukatu arte, eta lehena hil honen 28an izango da. Urrian, hiru egun izango dira: 24tik 26ra. Azaroan, lau: 26tik 29ra. Abenduan, Eguberrietan: 24tik 31ra. Sindikatuko ordezkarien arabera, iragan 22 hilabeteotan patronalarekin izandako negoziazioak antzuak izan dira: «haien proposamena izan da soldatak izoztea, eskubide sozialak apaltzea eta orain dela hamar urteko lan itun batera itzultzea». Gogoratu dute Gipuzkoako Aldundiak ardura duela auzian, harena dela egoitzen kudeaketaren azken ardura eta langileen eskubideen alde egin behar duela. Andreak dira zahar etxeetako langile gehienak, eta foru agintariei oroitarazi diete haien alde egin behar dutela. LABek, halaber, protesta sorta bat hasi zuen atzo langile horien eskubideen defentsan: egoera «dramatikoa» dela diote. Diputazio aurrean batu ziren.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna