ZUZENDARIARI

Euskaltzaindia: euskeraren akademia izatetik batuarenera

Koldo Urrutia. -

2018ko urriak 2
Euskerak alderdi asko ditu egoera edo estatus alorrean (kaleko erabileran, etxekoan, administrazioan, literaturan, hedabideetan, euskalkien egoera, etorkinak noraino ari diren ikasten...) eta korpus alorrean (terminologian, toponimian, hizkera teknikoan, euskalkietako korpusean...).

Alderdi pilo bat baina, Euskaltzaindiaren Biltzarraren programa ikusita, zergatik da euskera batua ia hizpide bakarra? Arazoa ez al da herrietako hizkera bizia eta euskera oro har galtzen ari dela? Eta batez ere, arazo nagusia ez al da erabilera?

Kale erabilerak frogatu digunez beherantz hasi gara eta euskerak orain behar duen biltzarra ez litzateke erabileran zentratu behar? Edo euskal demografiaren hil kanpaiak jotzen ari direla ikusita, politika demografikoa aipatu bederen?

Nork uste du gaur egun euskerak duen arazo nagusia batua dela?

Eta zergatik dabil Euskaltzaindia zientziaren aurka ari direnak laguntzen Iruña-Veleian? Euskeraren historia aldatu duten grafito horiek Mitxelenaren teoria atal batzuk zalantzan jarri dituztelako? Zergatik utzi die Arabako Aldundiei, Jaurlaritzari eta EHUri hondeamakinekin eremu batzuk suntsitzen? Eta Euskaltzaindiak zer egiten du EITBko Administrazio Kontseiluan, gezurrez betetako euskalduntze berantiarreko dokumentala behin eta berriz ematen dutenean?

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna