DONOSTIA. Eusko Jaurlaritzako Segurtasun Sailak atzo jakinarazi duenez, bi gizon atxilotu dituzte emakumeei eraso egiteagatik. Irunen atxilotu zuten bat (Gipuzkoa), adingabe bati sexu abusu bat egiteagatik. Jaurlaritzak jakinarazi duenez, erasoa egin duen gizonezkoak 33 urte ditu, eta erasoa pairatu duen neskak, berriz, 17 urte baino gutxiago. Ficoban hasi zen erasoa, martxoaren 4an, Euskotrenen geltokian, eta, trenera igota, jarraitu egin zion gizonezkoak. Erasotzaileak ukituak egin zizkion neskari, bertzeak bertze.
Leioan (Bizkaia) atxilotu zuten bertze gizonezkoa: 47 urte ditu, eta neska lagunari labanaz eraso egiteagatik atzeman dute. Emakumea Gurutzetako Ospitalera eraman dute, hainbat zauri baititu —horietako bat, bularraldean—, eta indarkeria matxista eta lesioak egotzi dizkiote gizonezkoari. Etxean egin zion eraso.
Bi gizon atxilotu dituzte indarkeria matxistagatik
Iruzkinak
Ez dago iruzkinik
Ordenatu