DONOSTIA. Elkarretaratzea egin zuten atzo eguerdian Donostian, igandean hil zuten gizona gogoan. Gros auzoan eraso zioten, kalean zihoala; lekukoek azaldu dutenez, atzetik joan zitzaion pertsona bat, eta bultza egin zion. Zaurien eraginez, hil egin zen, herenegun, ospitalean. 61 urte zituen, eta Errenteriakoa zen (Gipuzkoa).
Haren seme-alabek protestan parte hartu zuten, eta ikerketaren nondik norakoak azaldu zituzten. Haien arabera, lekukoek adierazi dute atzetik jarraika zeukala gizon bat kalean, eta hark eraso egin ziola, bultzaka; areago, azaldu dute kamera batek grabatu zuela erasoa bera, eta irudietan «argi» ageri dela erasotzailea. Oraindik ez dute inor atxilotu.
Donostian hildako gizonari atzetik bultza egin zioten
Iruzkinak
Ez dago iruzkinik
Ordenatu
