NEW YORK. AEBetako presidente Donald Trump egiten ari den lanaren neurgailutzat hartu dira atzo AEBetan eginiko hauteskundeak. New Yorken alkatetzarako hauteskundeak egin dituzte, eta Virginia eta New Jerseyn gobernadore berria hautatu dute.
New Yorken egungo alkate Bill de Blasio demokrata zen faboritoa, Nicole Malliotakis errepublikanoaren gainetik. Azken inkestek bozen %61 ematen zituzten De Blasiorentzat.
Virginian, berriz, gauzak estu espero ziren, Ralph Northam demokrataren eta Ed Gillespie errepublikanoaren artean. Iazko presidentetzarako bozetan Hillary Clinton nagusitu zen han, Trumpen aurretik.
New Jerseyn, Phil Murphyk AEBetako presidente ohi Barack Obamaren babesa jaso du, Kim Guadagnoren aurkako lehian.
Bozek Trumpen lana neurtuko dute AEBetan
Iruzkinak
Ez dago iruzkinik
Ordenatu