Noiz sortua: 2018-09-01 00:30:00

Olaizola eta Zabaleta faborito Donostia Hiriko finalean

Olaizola II.a eta Zabaleta Arteaga II.aren eta Rezustaren kontra ariko dira Atano III.ean 18:00etatik aurrera
Beñat Rezusta pilota jotzen partida batean.
Beñat Rezusta pilota jotzen partida batean. JAIZKI FONTANEDA / FOKU

Berria -

2018ko irailak 1

ESKU-HUSKA. Gaur jokatuko da Donostia Hiria torneoko finala (18:00, ETB) Atano III.a pilotalekuan. Olaizolak Zabaleta izango du bizkarzain, Arteagaren eta Rezustaren aurrean. Finalerdietan ikusitakoa ikusita, apustuek kolore gorria izango dute nabarmen.

Arteagak eta Rezustak izerdi ugari bota behar izan zuten asteazkenean, Irribarria eta Albisu 22-16 gainditzeko. Rezustaren joa baliatu zuen Arteagak errematean asmatzeko. Rezustak iaz 22-21 galdu zuen Altuna III.arekin Donostia Hiria torneoko finala. Arantza atera nahiko du, beraz. Arteagak, berriz, udako torneoetan jokatzen duen lehen finala izango du.

Herenegun jokatu zen finalerdian, Olaizolak eta Zabaletak aise menderatu zituzten Altuna III.a eta Imaz. 22-6 amaitu zen; neurketak sekulako aldea izan zuen. Zabaleta atzean nagusi izan zen, eta Goizuetako aurrelariak ez zuen aukera alferrik galdu. Egindako 11 tantorekin amaitu zuen neurketa. Donostian lortutako bina txapel badituzte, eta faborito izango dira.

Bestalde, atzo aurkeztu zuten San Mateo feria, udako azken pilota torneoa. Hirugarren urtez jarraian, Aspeko eta Asegarceko pilotariek nahastuta jokatuko dute. Irailaren 16an hasiko da torneoa, eta 26an jokatuko da finala. Bi multzotan ariko dira bikoteak. Batetik, Olaizola eta Zabaleta; Ezkurdia eta Imaz; eta Victor eta Rezusta izango dira. Bestetik, Altuna III.a eta Aretxabaleta; Artola eta Martija; eta Elezkano eta Albisu. Victor eta Rezusta dira egungo garaileak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Baionako ospitalea, artxiboko irudi batean. ©Guillaume Fauveau

Mugak irekitzeko eskariak ugaritu egin dira

Berria

Edouard Philippek aipatu du mugako kontrolak kentzeko aukera. Ekainaren 15etik aitzinera izanen litzateke. Iñigo Urkulluk eta Alain Roussetek eskari horixe egin dute; Urkullu Espainiako presidenteari zuzendu zaio, eta Rousset, Frantziakoari, gutun bidez. «Akitania Berria-Euskadi-Nafarroa Euroeskualdean mugaz gaindiko mugikortasuna errazteko» eskatu diete. Nafarroako Gobernuak ere bat egin du eskari horrekin.

Gipuzkoaren eta Lapurdiren arteko mugako saltokiak. Muga ekainaren 15ean zabaltzea «litekeena» dela esan du Edouard Philippe Frantziako lehen ministroak. ©Jon Urbe / Foku

Ipar Euskal Herria bigarren fasean sartuko da ekainaren 2tik aitzina

Oihana Teyseyre Koskarat

Ostatuak zabalduko dituzte, baina neurri zorrotzak errespetatzeko baldintzarekin. Hirugarren fasea ekainaren 22an hastea espero dute.

Irun eta Hendaia arteko muga, apirila erdian ©Guillaume Fauveau

«Mugaz gaindiko mugikortasuna zabaltzeko» eskatu dute Urkulluk eta Roussetek

Berria

Gutun bat bidali dio Iñigo Urkullu EAEko lehendakariak Espainiako Gobernuko presidenteari, «Akitania Berria-Euskadi-Nafarroa Euroeskualdean mugaz gaindiko mugikortasuna zabaltzeko». Gutun beraren kopia helarazi dio Alain Rousset Akitania Berriko presidenteak Edouard Philippe Frantziako Gobernuko lehen ministroari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna