Eskualde Kontseiluak Seaska babestu du

Berria -

2018ko uztailak 6
BORDELE. Brebetako azterketa guztiak euskaraz egiteko Seaskak egindako aldarrikapena babestu du Akitania Berriko Eskualde Kontseiluak. Charline Claveau-Abbadie eskualdeko hizkuntzen kontseilariaren esanetan, «kontseiluaren proiektuaren bihotzean dago eskualdeko hizkuntzen aitortza». Horretarako, eskualdeko eragileekin elkarlanean jarduten duela esan du, eta xede horrekin Errektoretzarekin hitz egiten dabilela. «Helburu komunak» errespetatzeko eskatu du. Claveau-Abbadiek ohartarazi du kolegioko ikasleak ez zigortzea lortu behar dela «ezinbestean». Era berean, Emmanuel Macron Frantziako presidenteak duela aste batzuk egindako adierazpenak gogoratu ditu: «'Eskualdeetako hizkuntzak eskualdeen sustraiak dira', esan zuen».