Gizonezko bat atxilotu dute Barakaldon bikotekideari eraso egitea egotzita

BILBO. Ertzaintzak 63 urteko gizonezko bat atxilotu zuen atzo Barakaldon (Bizkaia), bikotekideari labana batekin eta botila batekin eraso egitea egotzita. Eusko Jaurlaritzaren Segurtasun Sailaren arabera, bikotearen etxean gertatu zen erasoa, atzo goizean, Barakaldon. 10:55ean, emakumezkoak SOS Deietara deitu zuen laguntza eskatzeko, buruan zauriak zituelako. Anbulantzia bati deitu, eta Gurutzetako ospitalera eraman zuten. Etxe barruan zegoen erasotzailea, eta atxilotu egin zuten indarkeria matxistagatik. Gaur da epailearen aurretik igarotzekoa.