Parlamentuak sanferminetako kereila babestu du

Berria -

2019ko martxoak 15
IRUÑEA. Nafarroako Parlamentuak babestu egin du Sanferminak 78 Gogoan plataformak jarritako kereila 1978ko sanferminetako gertaerak direla eta. Geroa Bai, EH Bildu, Ahal Dugu-Orain Bai, PSN eta Ezkerra agertu dira kereila babestearen alde, eta UPNk eta PPk, berriz, kontrako botoa eman dute. Kereila babesteaz gain, onartutako ebazpenak dei egiten dio Nafarroako Gobernuari berdin egin dezan, eta harekin bat egiteko aukera azter dezan ere eskatzen dio.

Ebazpena bultzatu dutenek uste dute beharrezkoa dela 1978ko gertaera haiek «argitzea» eta «erantzukizunak zehaztea». Gainera, uste dute 1978ko sanferminetan gertatutako «giza eskubideen urratzeek» Iruñeko esparrua gainditzen dutela; horregatik eskatzen diote Gobernuari, Iruñeko Udalak egin bezala, azter dezala kereilarekin bat egiteko aukera.

Gertatutakoarekin zerikusia izan lezaketen agiri, txosten eta informazio guztiak desklasifikatu eta argitara ateratzeko eskatu du parlamentuak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna