BILBO. 79 urteko emakume bat etxetik kaleratu zuten atzo Bilbon. Zazpi urte zeramatzan Urazurrutia kaleko etxe batean bizitzen, Bilbo Zaharrean, baina azken bolada honetan alokairua ordaindu ezinik ibili da, eta, azkenean, kaleratu egin dute. Edonola ere, Alde Zaharreko Etxebizitza Taldeak nabarmendu du «herritarren presioari esker» azkenean lortu dutela emakumeari «etxebizitza irtenbide duin bat» ematea oraingoz hotel batean egongo da. Datozen egunetan «adi» jarraituko dutela ohartarazi dute, baina gertatutakoa «garaipentzat» jo dute, eta eskerrak eman dizkiete bertaratutako herritarrei.
Ehun lagun inguru bildu ziren Urazurrutia kalean, kaleratzea galarazteko asmoz. Ertzainak eta Bilboko udaltzainak ere agertu ziren; protestan ari zirenei oldartu zitzaizkien, eta batzuk jo zituzten.
Emakumeari joan den otsailerako jarri zioten kaleratze data.
«Irtenbide duin bat» Bilbon kaleratutako andrearentzat
Polizia oldartu egin zaie 79 urteko emakumezkoaren kaleratzea oztopatzeko ahaleginean aritu diren herritarrei
Iruzkinak
Ez dago iruzkinik
Ordenatu
