IRUÑEA. Nafarroako Justizia Auzitegi Nagusiak lau urteko espetxe zigorra ezarri dio gizonezko bati, Tuteran (Nafarroa) bere bikotekide ohia bortxatzen ahalegintzea leporatuta. Nafarroako Auzitegiko Bigarren Sekzioak joan den urtarrilean jarritako zigorra murriztu du, aringarritzat hartu baitu instantziako auzitegiak epaia kaleratzeko behar izan zuen denbora: hemezortzi hilabete.
Nafarroako Justizia Auzitegiko magistratuek kaleratutako epaiaren arabera, 2017ko urtarrilaren 3an gertatu zen bortxaketa saiakera -erasotzailea eta biktima bikote izan ziren 2013aren hasieratik 2016aren amaierara-, biktimaren etxean. Sententziak dio gizonezkoak ezin izan zuela bortxaketa «gauzatu», andreak aurre egin ziolako. Gertatutakoaren ondorioz, biktimak depresioa pairatu du.
Erasotzaileak helegitea jar dezake, Auzitegi Gorenean.
Lau urteko zigorra andre bat bortxatu nahi izateagatik
Iruzkinak
Ez dago iruzkinik
Ordenatu
