Bidesarien araua nola «blindatu» aztertzen ari da Gipuzkoako Aldundia

DONOSTIA. N-1 eta A-15 autobideak erabiltzeagatik kamioilariek ordaindu behar duten bidesariaren araua «blindatu» nahi du Gipuzkoako Foru Aldundiak, «zerga arauekin egin zen bezala». Hala jakinarazi du Aintzane Oiarbide Bide Azpiegituretako diputatuak, Batzar Nagusietan eginiko agerraldi batean. Diputazioaren asmoa da Eusko Legebiltzarraren babesa jasotzea, eta Espainiako Kongresura eramatea gero. Maiatzean, EAEko Auzitegi Nagusiak bigarren aldiz baliogabetu zuen araua —indarrean dago oraindik, epaia irmoa ez delako—.