Errenteriak baliabideak eskatu ditu baheketarako

ERRENTERIA. Errenteriako Udalak (Gipuzkoa) giza baliabide eta material gehiago eskatu dizkio Osakidetzari herrian martxan den baheketan «ilara luzeak» saihesteko. Udalaren iritziz, baliabideak «ez dira nahikoa» eske denei erantzuteko; 40.000 biztanleko herri bat dela gogoratu du, eta aintzat hartu behar dela hori. Bi egunetan 6.000 lagunek egin dute testa egiteko eskea.