Kukulaisi sortu dute euskarazko hamalau aisialdi elkartek

ELGOIBAR. Kukulaisi euskaltzaleen topagunea eratu dute Elgoibarko (Gipuzkoa) musika eskolan egindako eratze bilkuran. Euskaltzaleen Topagunean biltzen diren eta aisialdia lantzen duten euskara elkarteek egindako hausnarketaren emaitza izan da erakunde berriaren sorrera, tokian-tokian euskarazko aisialdia lantzen duten egitasmoak artikulatu eta garatzeko.