JERUSALEM. Urtebete beteko da gaur Gazako Itzuleraren Martxa Handia hasi zenetik, eta NBEk lasaitasuna eskatu du aurreneko urteurrenerako. Indarkeria baztertzeko eskatu du gaur egingo diren protestetan, «hildako eta zauritu gehiago saihesteko». Azpimarratu du egungo lehentasuna dela «biziak salbatzea», eta Israelen eta Hamasen erantzukizuna parekatu du. Israelgo segurtasun indarrei eskatu die indarkeriazko baliabideak ez erabiltzeko, eta Hamas talde islamistari «indarkeriazko ekintzarik» ez egiteko.
2018ko martxoaren 30az geroztik, palestinarrek astero eskatzen diote Israeli 1948ko gerran errefuxiatu zirenen itzultzeko eskubidea. Hilabete pasa iraun zuen iazko Itzuleraren Martxa Handiaren protesta sortak; epe horretan, Israelgo armadak 271 palestinar hil zituen, eta 29.000 zauritu zituen. Egunik gogorrena maiatzaren 14a izan zen, AEBek Jerusalemen enbaxada ireki zuten eguna—militar israeldarrek 60 pertsona hil zituzten eta 2.700 zauritu zituzten, Gazako osasun iturrien arabera—.
NBEk lasaitasuna eskatu du Gazako gaurko martxan
Iruzkinak
Ez dago iruzkinik
Ordenatu