MANILA. Gutxienez hamabi pertsona hil ziren atzo Filipinetan, Mangkhut tifoia herrialdetik igaro ostean. 90.000 herritar ebakuatu behar izan zituzten, eta euriteek zaildu egin zuten larrialdi zerbitzuen lana; Francis Tolentino gobernuaren aholkulariaren arabera, bi pertsona desagertu dira, eta hildakoak geheiago izan daitezke orduak pasatu ahala. Defentsa ministro Delfin Lorenzanak azaldu zuenez, denera mila etxebizitza suntsitu zituen tifoiak.
Ameriketako Estatu Batuetan, Florence urakana igaro da egunotan ekialdeko kostaldetik, eta gutxienez bost pertsona hil dira. 800.000 herritar argindarrik gabe geratu ziren, eta, Ipar Carolinako gobernadore Roy Cooperrek azaldu zuenez, uholdeak ugarituko dira gaur.
Filipinetan hamabi pertsona hil dira tifoiaren ondorioz
Iruzkinak
Ez dago iruzkinik
Ordenatu