Donostiako metroaren pasabidearen aurkako manifestazioa egingo dute bihar
DONOSTIA. Satorralaia plataformak Donostiako erdigunea zeharkatuko duen metroaren pasabidearen aurkako mobilizazioa egingo du bihar, Arantxa, Tapia el metro...eta kitto! lelopean. 10:30ean abiatuko da martxa, Kontxako erlojuetatik, eta Miramar Jauregian amaituko da. Han du Eusko Jaurlaritzak urte politikoaren lehenengo gobernu kontseilua. Plataformak uste du hiriak garraio publikoaren sare ona eta nahikoa duela, eta metroaren gisako azpiegiturek sustatzen duten hiri eredua salatu du. Donostian egun duten «turistifikazioa, hiriaren merkantilizazioa eta espekulazioa» areagotuko dituela uste du Satorralaiak.
Iruzkinak
Ez dago iruzkinik
Ordenatu