GASTEIZ. Miren Gorrotxategi Elkarrekin Podemos-IUko legebiltzarreko bozeramaileak nabarmendu duenez, prest daude Arabako, Bizkaiko eta Gipuzkoako aurrekontuak negoziatzeko. Halere, ohartarazpen bat egin du: «Gure proposamenak aintzat hartu beharko dituzte».
Izan ere, atzo aurkeztutakoak «aurrekontu sozial eskasak» iruditzen zaizkio, «osasunean eta hezkuntzan anbizio txikikoak». Aurrekontu horiek hobetzeko helburuarekin, koalizioa agiri bat lantzen ari da hainbat proposamenekin: «Ziur gaude gure neurriek kontuak hobetuko lituzketela». Gorrotxategirentzat osasunak, gizarte politikak, hezkuntzak eta ingurumenak izan behar dute ardatzak. Besteak beste, hezkuntzako inbertsioa BPGaren %6 izatea eta pandemian hartutako 4.000 osasun langileek lanean jarraitzea galdegin du.
Elkarrekin Podemos-IU, negoziatzeko prest
Iruzkinak
Ez dago iruzkinik
Ordenatu