Lau pertsona atxilotu dituzte «migrazio ilegala faboratzea» leporatuta

BILBO. Ertzaintzak 34 eta 41 urte arteko lau gizon atxilo hartu ditu Bilbon, Portugaleten (Bizkaia) eta Laudion (Araba). Migrazio ilegala faboratzea leporatu diete, baita dirua zuritzea eta agiriak faltsutzea ere. Duela urtebete hasitako ikerketa baten ondorioz egin dituzte atxiloketak. Ertzaintzaren arabera, lau gizon horiek migratzaileei zerbitzuak eskaintzen zizkieten, Europarako bidaia egin zezaten, diru truke.