Turkiako lira %10 baino gehiago hondoratu da

Berria -

2018ko abuztuak 11
ANKARA. Egun bakar batean balioaren %10 baino gehiago galdu du Turkiako monetak, lirak. AEBetako apaiz baten atxiloketarekin hasi zen Washingtonen eta Ankararen arteko gatazka diplomatikoa, baina, orain, krisia finantza merkatuetara hedatu da.

Recep Tayyip Erdogan Turkiako presidenteak «gerra ekonomikoa» egiten ari zaiela ziurtatu du, lirak jasan duen astindua ikusita. Aspaldi herrialde bateko monetak egun bakarrean izandako erorketarik handienak izan zituen atzo.

AEBek presio handiagoa jarri diote lapikoari. Donald Trump presidenteak agindu du Turkiatik datorren altzairuari eta aluminioari tasak igotzea, egungoak halako bi izateraino. Altzairu esportazio handiak ditu herrialdeak, eta, erabakia gauzatzen bada, %50eko muga zerga pagatu beharko dute.

Krisiak erdian harrapatu ditu Europako zenbait banku: besteak beste, BBVA. Turkian duten kredituaren arriskuarekin kezkatuta dago EBZ Europako Banku Zentrala, eta ikuskaritza zorroztuko duela iragarri du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna