Espainiako Gobernuak eten egin ditu lan politika aktiboentzako diru sailak

GASTEIZ. Espainiako Gobernuak erabaki du prestakuntza arloko enplegu politika aktiboetara bideratutako diru sailak etetea, Eusko Jaurlaritzak salatu duenez. Azpimarratu du berari dagokion eskumen batean «esku hartu» duela Madrilek, eta lanik ez dutenen aurkako neurria dela. «Enplegu politika aktiboak bultzatzeko unea da, lanik gabezian dauden edo egongo diren pertsonek lan merkatura ahalik eta azkarren bueltatzeko aukera izan dezaten», azpimarratu du Marcos Murok, Enplegu eta Gazteriako sailburuordeak.