DONOSTIA. Espainiako Konstituzioaren Eguna protestak antolatzeko baliatu zuten atzo Hego Euskal Herrian. Euskadiko Mugimendu Errepublikanoak eta Ezker Anitzak elkarretaratzeak egin zuen Donostian eta Gasteizen Espainiako III. Errepublika aldarrikatzeko, eta prozesu konstituziogile bat abiatzeko eskatu zuten.
Eguerdian, Euskal Herriaren independentzia eta sozialismoaren aldeko manifestazioa egin zuen Jarki antolakundeak Durangon (Bizkaia), Euskal Herri langileak apurketa lelopean. Dozenaka pertsona elkartu ziren ikurrinak eta bandera gorriak zeramatzatela.
Madrilen ekitaldia egin zuen Espainiako Gobernuak, eta ohi bezala alderdi abertzaleek ez zuten parte hartu. Iñigo Urkullu Jaurlaritzako lehendakaria ez zen egon, ezta Maria Txibite Nafarroako Foru Erkidegoko lehendakaria ere. Espainiako Estatuaren mendeko gainerako lurraldeetako alderdi independentistek ere ez zuten ekitaldietan parte hartu.
III. Errepublika aldarrikatu dute mobilizazioetan
Iruzkinak
Ez dago iruzkinik
Ordenatu
