EHUk nazioartekotzea eta bikaintasuna hartu ditu xede

EHUren 2018-2021 Plan Estrategikoak bost puntu izango ditu, bakoitza helburu propioekin
EHUren Leioako campusa, artxiboko irudi batean.
EHUren Leioako campusa, artxiboko irudi batean. MARISOL RAMIREZ / FOKU

Berria -

2018ko uztailak 13
BILBO. EHUren Gobernu Kontseiluak atzo eman zuen 2018-2021 Plan Estrategikoaren berri. Unibertsitatearen helburu nagusiak prestakuntzan bikaintasuna lortzea eta nazioartekotzea sustatzea izango dira.

Plan estrategikoak bost ardatz izango ditu: prestakuntza, ikerketa, gizartearekiko harremana, pertsonak, eta gobernantza eta baliabideak. Horietako bakoitzak helburu propioak izango ditu.

Prestakuntzari dagokionez, bikaintasuna izango da ardatzetako bat. Hori lortu ahal izateko, «eredu eleaniztuna indartuko duen prestakuntza duala» eta «online irakaskuntza» indartu nahi dituzte, besteak beste. Prestakuntza atalean sartu dute «nazioartekotzea sustatzea» ere. Horretarako, euskarazko irakaskuntza «bermatzea» eta beste hizkuntza batzuk «indartzea» dituzte helburu, batez ere, ingelesa.

Horrez gain, Zientzia, Teknologia eta Berrikuntzaren Euskal Sarean duen partaidetza indartu nahi du unibertsitateak, baita gainontzeko I+G+b agenteekin harremanak indartuko dituen azpiegitura berriak sortu ere.

Bikaintasunerako bideak, ordea, «bikaintasun etikoa» ere behar duela azpimarratu du: gizonen eta emakumeen arteko berdintasuna, balio demokratikoak sustatzea...

«Egin dugun plana oso handinahia da alde batetik, baina errealista ere bada», adierazi du Nekane Balluerka errektoreak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna