Venezuelan hauteskundeak atzeratu dituzte

Berria -

2018ko martxoak 2
CARACAS. Joan den astean jakinarazitako irizpidearen aurka, Venezuelako CNE Hauteskunde Kontseilu Nazionalak erabaki du presidentetzarako bozak, parlamenturakoak eta udaletakoak egun berean egitea. Presidentetzarakoak datorren apirilaren 22an egitekoak zituzten, baina, atzo, CNEk erabaki zuen hauteskunde guztiak maiatzaren bigarren erdialdera atzeratzea. Egun zehatzik ez zuen jakinarazi.

CNEk iritzia aldatu du gobernuak eta hauteskundeetara aurkezteko asmoa duten oposizioko hautagaiek akordio bat sinatu ondoren. Henri Falcon AP Aurrerapen Progresista alderdiko buru eta Lara estatuko gobernadore ohia da ituna sinatu duen oposizioko lider nagusia. MUD Batasun Demokratikoaren Mahaiko kide zen AP, baina, orain, plataforma utzi du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna