IRUÑEA. Hezkuntza itunaren alde agertu dira Nafarroan LAB, CCOO, ANPE eta UGT sindikatuak; hortaz, hezkuntzako mahai sektorialaren gehiengoaren babesa lortu du. Adierazi dutenez, itun horrek «hezkuntza publikoko irakasleen lan baldintzak hobetzen ditu».
Ituna abuztuaren 24an sinatuko dute Nafarroako Gobernuarekin. Steilas eta Afapna sindikatuek jakinarazi dute aurretik iragarriko dutela alde edo kontra dauden. ELAk, aldiz, adierazi du ez duela ituna babestuko.
Itunak 2018-2022 urteetako lan baldintzak ezartzen ditu, eta bi dokumentuk osatzen dute: batetik, irakasleen lan baldintzei buruzkoa; bestetik, ikastetxeen funtzionamendua egokia izateko baldintzak arautzen dituena. Itunaren helburu orokorra da irakasleen lan baldintzak lehengoratzea; hau da, murrizketak egin aurretik zuten egoerara itzultzea.
Hobekuntza horien artean daude, besteak beste, 55 urtetik gorako irakasleen lan orduak murriztea, eta irakasleen eta eskolako langileen ordezkapenak egiteko sistema azkartzea.
Hezkuntza itunaren aldeko akordioa lortu dute Nafarroan
Irakasleen lan baldintzak murrizketen aurreko egoerara lehengoratzea onartu dute gobernuak eta sindikatuek
Iruzkinak
Ez dago iruzkinik
Ordenatu