Puigdemont «bezain urruti» iristeko asmoa dauka Torrak

Kataluniako presidentea Bruselan elkartu da presidente kargugabetuarekin, urte politikoaren hasierarengatik.
Quim Torra eta Carles Puigdemont, atzo, Bruselan.
Quim Torra eta Carles Puigdemont, atzo, Bruselan. STEPHANIE LECOCQ / EFE

Berria -

2018ko irailak 6
BRUSELA. Quim Torra Kataluniako presidentea Bruselara joan zen atzo, urte politiko honetarako ildoak aurkezteko hitzaldia egin eta biharamunean. Junts Per Catalunyaren parlamentuko taldeak Belgikako hiriburuan egin zuen bilera, han baitago erbesteratuta Carles Puigdemont presidente kargugabetua. Torrak esan zuen Puigdemontek «bezain urruti» iritsi nahi duela prozesu independentistarekin, eta bezperako hitzaldian aurkeztutako planteamenduak berretsi zituen. «Nire muga parlamentuak esaten duena da». Espainiako Gobernuari berriro eskatu zion independentziari buruz galdetzeko erreferendum bat adosteko.

Puigdemontek eta Torrak Diadako mobilizazioetan parte hartzeko eskatu zieten herritarrei. Espainiako Gobernuak berriz ere Kataluniara polizia gehiago bidaltzea erabaki du, Diadan eraikin publikoak zaintzeko eta mossoei laguntzeko beharrezkoak direla argudiatuta. Istiluen aurkako unitateko 600 polizia bidaliko ditu, eta Katalunia uztekotan ziren guardia zibilei gelditzeko agindu die.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna