Industriaren geldialdiak %2,6ra moteldu du hazkundea

Enpleguaren bilakaera sendoak jarraitzen du: azken hiruhilekoan %2 handitu da Araba, Bizkai eta Gipuzkoan

Berria -

2018ko azaroak 30
DONOSTIA. 2018ko hirugarren hiruhilekoan Arabako, Bizkaiko eta Gipuzkoako BPGa %2,6 gehitu da aurreko urteko hiruhileko beraren aldean, Eustaten datuen arabera. 2018ko bigarren hiruhilekoaren aldean, hazkundea %0,5 izan da. 2018ko bigarren hiruhilekoan %2,9 izan zen hazkundea.

Industriaren ekarpen txikiagoak azaltzen du hazkundearen apaltzea. Oso urte sendoen ondoren (2016an %4,2 eta 2017an %3,2), erorketa handia izan du udako hilabeteetan, %3,1etik %1,9ra, hain zuzen ere. Are gehiago, hiruhileko arteko tasan ez da igoerarik izan. Hori gertatzen den bigarren hiruhilekoa da.

Moteldu egin da zerbitzuen hazkunde erritmoa ere, baina askoz erritmo motelagoan: %3,1 lehen hiruhilekoan, %2,8 bigarrenean eta %2,7 hirugarrenean. Zerbitzuen barruan, administrazio publikoaren arloa da ahulena (%2,1), indartsuago baitaude merkataritza eta ostalaritza (%2,5) eta gainerako zerbitzuak (%3,2).

Bilakaera hobea erakusten du azken hamarkadako sektorerik ahulenak, eraikuntzakoak, hazkunde erritmoa bizitzen ari delako: %2,7 urte hasieran, %4,1 bigarren hiruhilekoan eta %4,8 hirugarrenean. Lehen sektoreak, ohiko gorabeherekin jarraitzen du. Iaz baino %4,6 ekarpen txikiagoa egin dio BPGari.

Lurraldeei erreparatuz gero, urte arteko hazkunde tasarik handiena Arabak eta Gipuzkoak dute (%2,8), eta txikiena, berriz, Bizkaiak (%2,4).

Hazkundea moteldu arren, enpleguaren bilakaera sendoak jarraitzen du. Eustatek dedikazio osoko baliokidetzan neurtzen ditu, eta ziurtatu du duela urtebete baino %2 lanpostu gehiago daudela orain, eta aurreko hiruhilekoan baino %0,4 gehiago.

Kasu horretan, industriaren ekarpena ez da txarra (%1,8), aurreko hiruhilekoetakoari eusten diolako. Haren gainetik daude zerbitzuak (%1,9) eta eraikuntza (%1,9).

Enpleguak gora egin du hiru lurraldeetan: Araban %2,2 hazi da, Gipuzkoan %2,1 eta Bizkaian %1,8.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna