Behin erabiltzen diren plastikoen debekua, 2020an

Berria -

2019ko uztailak 11
BAIONA. Datorren urtetik aurrera, Lapurdin, Nafarroa Beherean eta Zuberoan debekatuta egongo da erabilera bakarra duten plastikozko produktuak saltzea: neurriak, besteak beste, ostatuei eragingo die, ezin izango baitituzte plastikozko ontzi eta platerak erabili, horiek gero ez badituzte berriz erabiltzen. Frantziako Gobernuaren ekonomia zirkularrerako egitasmoan azaltzen den neurrietako bat da hori. Legea 2020ko martxoan egingo diren udal hauteskundeak baino lehenago onartzea aurreikusten du gobernuak.

Horrez gain, herritarrek diru sari bat jasoko dute berrerabilgarriak diren plastikozko produktuak birziklatzera eramanez gero. Aldiz, saltokiek debekatuta izango dute saldu ez dituzten plastikozko produktuak suntsitzea. Gehiagotan erabil ez daitezkeen plastikozko produktuei dagokienez, berriz, fabrikatzaileek edota banatzaileek hartu beharko dute horien ardura, eta produktu horien konponketa sustatu beharko dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna