Basterretxearen obrak, parez pare legebiltzarrean
ARTEA. Nestor Basterretxearen Gernikako Arbolari omenaldia eskultura Eusko Legebiltzarrean egongo da ikusgai aurrerantzean, Gasteizen. Egurrezko hainbat blokez osatua dago, eta zuhaitz formako pieza handi bat da: ia hiru metro garai da, eta 600 kilo pisatzen du. Donostiatik lekualdatu dute, Gureak elkartearen egoitzatik. Kutxa Fundazioak hamar urterako laga dio obra. Legebiltzarraren 40. urtemugaren harira ikusgai dagoen Izaro-Nestor Basterretxea erakusketaren barruan kokatu dute eskultura; izan ere, 1983az geroztik Bilkura Aretoan dagoen Izaro obraren jarraipena da. Modu horretan, bi eskulturak bata bestearen bueltan, espazio berean Ā«elkarrizketanĀ» jarri nahi izan dituzte.
Iruzkinak
Ez dago iruzkinik
Ordenatu