Albistea entzun

Gazte transexualei tratamendua ukatu diete Arkansasen

Berria -

2021eko apirilak 8

LITTLE ROCK. AEBetako Arkansas estatuan, adingabe transexualek ezingo dute sexua eraldatzeko tratamendurik jaso, ez eta ebakuntzarik egin ere, uztailetik aurrera. Asa Hutchinson gobernadore errepublikanoa lege proposamena atzera botatzen ahalegindu zen joan den astelehenean, baina Arkansaseko Kongresuak proposamenaren alde bozkatu zuen atzo, Alderdi Errepublikanoaren babesarekin ganberan gehiengoa du. ACLU Ameriketako Askatasun Zibilen Batasunak iragarri du helegite bat jarriko duela prozedura eteteko.

AEBetan legezkoak dira halako tratamenduak adingabeen artean, eta Arkansas da horiek galaraztea onartu duen lehen estatua. Osasun alorreko langileek eta LGTBI komunitateak gogor kritikatu dute neurria.

Gainera, atzo bertan adingabe transexualen aurkako beste lege bat onartu zuten Arkansasen: lege horrek ikastetxeei debekatu egingo lieke gazteek aukeratutako sexua erabiltzea haiek izendatzeko. Giza Eskubideen Kanpaina erakundearen arabera, AEBetan ehun lege baino gehiago onartu dituzte transexualen aurka azken hilabeteetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©CECILIA VALDEZ

«Hautagaiok ez dituzte aintzat hartzen indigenen eskakizun historikoak»

Cecilia Valdez

Ekuadorko presidentetzarako bozen lehen itzulian iruzurra izan zela salatu zuen Perezek, baina entzungor egin zion hauteskunde batzordeak. Gaur egingo duten bigarren itzulian baliogabe bozkatzeko eskatu du mugimendu indigenak.
Quebeceko jai nazionalaren ospakizuna ekainaren 24an egiten dute urtero. Irudian, Montreal hirian. ©BERRIA

Quebecen autodeterminazioari buruzko legea konstituzionala dela ebatzi dute

Ander Perez Zala

99. Legea eta Kanadako Konstituzioa bateragarriak direla baieztatu du Apelazio Auzitegiak: independentzia erreferendum batean botoen «%50 gehi bat» nahikoa izango da emaitza onartzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna