ESKUBALOIA. Bidasoak eta Jacobo Cuetarak akordioa lortu dute entrenatzaile espainiarraren kontratua beste bi urtez luzatzeko, 2022ra arte —2020an amaituko zitzaion—. Cuetarak laugarren denboraldia du Irungo (Gipuzkoa) taldean, eta haren aginduetara, sekulako jauzia eman du. Izan ere, 11. izan zen 2016-17ko sasoian, hamargarren 2017-18koan eta bigarren 2018-19koan. Aurten, laugarren da, eta lider da Txapeldunen Ligako ligaxkan. Entrenatzailea oso pozik dago berritu egin duelako. «Oso maitatua sentitzen naiz Irunen». Gurutz Aginagalde presidenteak, berriz, esan du Cuetara berrituta, «lehen harria» jarri dutela, eta espero dutela jokalari gehienak jarraitzea.
Bestalde, Super Amara Bera Berak Tenerifen (Espainia) jokatuko du gaur atzeratutako ligako partida (21:00). Salud izango du aurkari. Irabaztea eta lidergoan bakarrik jarraitzea da donostiarren helburua.
Jacobo Cuetarak 2022ra arte berritu du Bidasoarekin
Tenikaria «oso pozik» azaldu da, eta Gurutz Aginagaldek esan du «lehen harria» jarri dutela hari kontratua berrituta
Iruzkinak
Ez dago iruzkinik
Ordenatu
