Bihar hasiko da Binakako Txapelketa

Binakakoan ariko diren bikoteak. M. A.
2021eko azaroaren 5a
00:00
Entzun
ERREMONTEA. Denboraldiko lehen txapelketa hasiko da bihar: binakakoa. Hilabete eta hiru aste pasatxo iraungo du, finala abenduaren 29an jokatuko baita. Txapela egongo da jokoan egun horretan, eta bost bikote ariko dira hura jantzi nahian: Urriza-Labaka —azken txapeldunak—; Goikoetxea V.a-Barrenetxea IV.a; Juanenea-Aizpuru III.a; Ansa II.a-Martirena; eta Segurola-Larrañaga.

Goikoetxea V.a-Barrenetxea IV.ak eta Juanenea-Aizpuru III.ak jokatuko dute lehen partida, ligaxkako aurrenekoa. Ondoren, beste bederatzi jardunaldi izango dira, eta jaialdi bakoitzeko txapelketako partida bat jokatuko da. Lehen lau sailkatuek egingo dute aurrera, eta azkena kanpoan geratuko da. Abenduaren 24an, berriz, bi finalerdiak jokatuko dituzte: ligaxkako lehen sailkatua, laugarrenaren kontra; eta bigarrena, hirugarrenaren aurka. Irabazleak finalean ariko dira. Ez da atzerapenik izango, eta baten batek ezin badu jokatu, Oriamendi 2010 enpresak antzeko maila duen batekin ordezkatuko du. Ikusle eta guzti jokatuko dira partidak, baina enpresak aukera izango du osasun egoeraren arabera neurriak hartzeko.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.