Frankismoaren krimenen aurkako bi auzibide hasi dituzte

Andoaingo Udalak eta Sanfermines 78 Gogoan plataformak Argentinako kereilara gehitzeko eskatu dute

Berria -

2019ko ekainak 13

ANDOAIN. Frankismoak eragindako krimenen aurkako bi auzibide berri hasi dituzte Hego Euskal Herrian: Andoainen (Gipuzkoa) eta Iruñean. Andoaingo Udalak sustatu du lehena; aho batez onartu zuen udalbatzan hori egitea. Oroituz taldeak jaso ditu 1936 eta 1970 urte artean frankismoak egindako krimenak; horretarako, herriko datuak eta lekukotzak bildu ditu. Horiek dituzte oinarri.

Andoaingo Udalak bi kereila jarriko ditu. Bat Tolosako epaitegian; udal ordezkariek aurkeztu zuten atzo, Oroituz-eko kideekin eta frankismoaren biktimekin batera. Udalak azaldu du ekintza horren bitartez «beste pauso bat» eman nahi dutela biktimen aitortzan. Bestetik, Andoaingo Udalak Argentinan martxan dagoen kereilara gehitzeko urratsak egingo ditu. Maria Servini epailea ari da kereila bideratzen.

Nafarroan ere, Sanfermines 78 Gogoan plataformak Argentinako auzibidean sartzeko eskatu dio Servini epaileari. Plataformaren ordezkariak Argentinan izan dira berriki, eta Servinirekin batzartu dira. German Rodriguezen heriotza ikertzeko eskatu diote, 1978ko sanferminetakoa. Gertakari horiek direla eta Rodolfo Martin Villa Espainiako orduko Barne ministroa itauntzea galdegin diote.

Horrez gain, plataformak elkarretaratze batera deitu du ekainaren 21erako, Espainiako Gobernuaren ordezkaritzaren aurrean, 19:00etan. Martin Villa epaitzeko eskatuko dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak PCR probak egiten Donostiako Okendo kultur etxean, ostiralean. ©Gorka Rubio/FOKU

499 positibo atzeman dituzte Hego Euskal Herrian

Berria

Bizkaian behera egin dute kasuek: 211 positibo izan dira. Neurriak indartzearen alde agertu dira hiriburuetako alkateak.

Neurri bereziak dituen taberna bat, Donostian. ©Gorka Rubio / Foku

Gaueko aisialdiaren mugen aurkako salaketa jarriko dute Bizkaiko eta Gipuzkoako ostalariek

Andoni Rekondo Izagirre

Uste dute 01:30ean ixteko agindua «neurrigabea» dela, eta laguntza ekonomikoak galdegin dituzte.

Bizkaiko zahar etxe bateko egoiliarrak paseoan. ©Marisol Ramirez/FOKU

Bilboko zahar etxe bateko zortzi egoiliarrek positibo eman dute

Olatz Esteban Ezkati

Birjinetxe zentrora eraman dituzte kutsatu diren egoiliarrak; eta hainbat langile bakartu dituzte, haiek ere positibo eman ostean.

 ©Raul Bogajo / Foku

Lanbidek Zaramagako eta Laudioko bulegoak itxi ditu, bi langilek positibo eman ostean

Andoni Rekondo Izagirre

Bulegoetako gainerako beharginak ere etxera bidali dituzte berrogeialdia pasatzera. Bitartean, kudeaketak webgunearen bitartez egin ahal izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna