BILBO. Zabalgarbi errauste plantaren inguruan pilatzen diren metal astunen kutsaduraren inguruko azalpenak eskatu ditu EH Bilduk, eta Bilboko udal gobernuaren agerraldia galdegin du. Hain zuzen ere, Alba Fatuarte EH Bilduko zinegotziak azalpenak eskatu dizkie Asier Abaunza Bilboko Hiri Jasangarritasunaren eta Garapenerako Politiken zinegotziari eta Ines Ibañez de Maeztu Mugikortasun eta Jasangarritasun zinegotziari.
Tecnaliak egindako txosten batek adierazi du iazko martxoan kiloko 34 miligramo artseniko topatu zituztela Kobetamendiko neurketa batean. Berez, 30etik gora topatuz gero, umeek jolasteko desegokitzat jotzen dute eremua. Fatuartek esan du ikerketak «baieztatu» egin duela azken urteetan eurek salatutakoa: «Zabalgarbiren inguruan kutsadura dago artsenikoagatik. Egoera horren aurrean, gobernuak azaldu beharko luke zein neurri hartuko duen».
Zabalgarbiko kutsaduragatik, EH Bildu udalari azalpen eske
Bilboko udal gobernuaren agerraldia galdegin dute, Kobetamendin aurkitutako artsenikoaren harira
Iruzkinak
Ez dago iruzkinik
Ordenatu
