BARTZELONA. Quim Torra Kataluniako presidenteak Roger Torrent Kataluniako Parlamentuko presidentea jasaten ari den «presioak» salatu zituen atzo, haren inhabilitazioaren auziaren harira.
Presidentetzako kabinetearen ohar baten bidez, Torrak adierazi zuen presio horiek «jasanezinak diren muga batzuetara» iristen ari direla: «Ez dira legediarekin bateragarriak». Herenegun arratsaldean, Espainiako Hauteskunde Batzordeak Torrenti 48 orduko epea eman zion Torra diputatu kargutik kentzeko; Kataluniako Parlamentuak osoko bilkura du etzi, eta gobernuburuak horretan parte hartzeko asmoa du.
Ganberako abokatuek adierazia dute hauteskunde batzordeak ez duela eskumenik Torrari diputatu akta kentzea agintzeko, agintariaren aurkako epaia irmoa den arte.
Torrentek jasaten dituen «presioak» salatu ditu Torrak
Iruzkinak
Ez dago iruzkinik
Ordenatu
